Coñecendo Galicia – Cidade de Lugo

Un maio moito máis que primaveral e o termómetro chega ata os 31 graos na sempre abafante cidade de Ourense. A lóxica e o desexo de ve-lo mar debería levarnos á costa, pero certos compromisos tiran de nós cara a unha das cidades menos visitadas en Galicia: Lugo.

IMG_1642[1]

A súa sona non é excesivamente boa. Para o resto de galegos, Lugo peca de cidade provinciana (no mellor dos casos), pouco interesante e cunha meteoroloxía endiañada. Algo de certo hai, non o imos negar, pero a realidade ten mudado completamente nestes últimos anos. Aínda lle queda moito polo que loitar, tampouco o imos negar, pero hai que recoñecer que Lugo ten dado pasos de xigante para coller ás outras cidades galegas e, nalgúns casos, incluso superalas.

Seguir lendo

O meu primeiro Camiño

A "panda" na Ponte Maceira.

A “panda” na Ponte Maceira.

Os galegos, ás veces, temos pouco interese polo Camiño. É como se viñesen de todo o mundo a vernos a nós e o noso cometido non sexa senón ver pasa-la xente, os peregrinos. Pero ante tanta pregunta; xa fixeches o Camiño? non quedou máis remedio que intentalo. Digo intentalo xa que eu mesmo non estaba seguro dos meus folgos. Estou delgado e teño unha vida activa pero de aí a percorrer ata 26 quilómetros ó día vai un auténtico reto. Finalmente e despois de catro duras xornadas o reto foi acadado. Teño que dicilo aínda que poida decepcionar a alguén, non sentín a espiritualidade por ningures. Isto da espiritualidade e cousa de cada quen. Pero ver Galicia de vagar, paseniño, hai que vivilo!!!