Caribe

Polo Caribe Colombiano, dende Santa Marta a Cartaxena de Indias

/ Xan / Deixar un comentario

Voamos entre Medellín e Santa Marta coa compañía aérea, colombiana e de baixo custo, “Viva Colombia”. O nome, certamente folclórico, pode crear unha expectativa negativa sobre a compañía que, con todo, ofrece un servizo moi razoable e sen tanta tensión á hora de facturar como pode provocar Ryanair en Europa.

O pequeno aeroporto de Santa Marta está nun bonito recuncho á beira do mar pero resulta algo confuso polas obras que se están a executar para a súa ampliación. Saímos directamente ao exterior, sen pasarela, e recibimos unha labazada de calor esaxerada e agravada por unha humidade moi pegadiza.

Parque Nacional Tayrona

Playa Cristal no Parque Nacional Tayrona

Barrio de Getsemaní en Cartaxena de Indias

Barrio de Getsemaní en Cartaxena de Indias

Seguir lendo →

Medellín (Unha cuestión de morbo)

/ Xan / Deixar un comentario
9

Medellín e barrios chabolistas subindo polas montañas

Panorámicas dende o Cerro Nutibara

Barrios de alto poder adquisitivo en Medellín

Levo doce días de traballo intenso e sen apenas descanso cando saio de vacacións para Colombia. Nesta ocasión acompáñanme os meus amigos de Vigo, Chelo e Fernando, e Alex, un francés de orixe alxeriano que traballa para British Airways e reside a tempo parcial entre Barcelona e João Pessoa (nordeste brasileiro). Alex está percorrendo ao mesmo tempo Panamá e Costa Rica polo que se vai incorporar ao noso itinerario na cidade de Cartaxena de Indias para, despois, continuar con nós ata o remate da viaxe.

Seguir lendo →

A “Isla Bonita”? Ou non

/ Xan / Deixar un comentario

O mundo está a globalizarse e a situación no sector aéreo é unha mostra evidente. Un exemplo: comprei un billete para a viaxe dende San José á Cidade de Belice voando coa compañía aérea colombiana Avianca e, aínda que a reserva xa adiantaba que o traxecto San José/Managua/San Salvador sería realizado baixo as siglas da antiga compañía costarriqueña, LACSA, e operado cun avión da guatemalteca Aviateca, finalmente voamos coa compañía salvadoreña Taca Regional. O traxecto entre San Salvador e Cidade de Belice seguiu a mesma tónica. Hoxe en día o mapa de América, dende Guatemala á Arxentina está a ser repartido entre dous grandes grupos aéreos que, nun proceso de absorción de compañías rexionais, van fortalecendo os seus dominios. A colombiana Avianca, no seu feudo dende Perú a Guatemala, e a chilena-brasileira LAN-TAM, dende Ecuador ata Tierra de Fuego. Pero esta situación non impide que as comunicacións entre as capitais centroamericanas sexan menos frecuentes do desexable e que os escasos voos teñan niveis de ocupación baixos.

IMG_8758

Canle de auga provocado polo furacán en Caye Caulker

IMG_8752

Caye Caulker

Seguir lendo →

Costa Rica, visto e non visto

/ Xan / 2 Comentarios

Costa Rica non entraba na ruta. É unha teima miña: os destinos preferidos polos españois á hora de viaxar provócanme certo rexeitamento. Son varios os países que teño aparcados por esta razón e, cando chegue a hora de visitalos, posiblemente me fagan cambiar de opinión. Son dos que gusta mesturarse coa poboación local mais que cos outros visitantes. Escoitar falar castelán coas entoacións propias de España faime sentir nunha vivencia temporal e lémbrame o feito de ter que regresar, máis cedo ou máis tarde, ao cotián. Tamén teño que recoñecer que unha oferta baseada en exceso na Natureza, primeiro recurso turístico de Costa Rica, me dá preguiza, non é o meu. Polo tanto, e como resumo, Costa Rica non estaba nesta ocasión na listaxe de países a visitar.

Foi a escasa oferta de voos para chegar dende Bocas del Toro á Cidade de Belice o que nos obrigará a facer un alto de 24 horas en San José.

Seguir lendo →

Bocas del Toro: o Panamá que quere ser turístico

/ Xan / 1 comentario

IMG_8596Voo madrugador (aquí todo é moi madrugador) de Air Panamá dende o aeroporto de Albrook (un dos tres de Cidade de Panamá) con destino ó novo resort chic do Caribe continental, xa preto da fronteira con Costa Rica: Bocas del Toro.

O sono pesa moito, demais; se engadimos o jet lag, froito das sete horas de diferenza coa hora española, ós costumes horarios locais, fai que teñamos (e teremos ó longo da viaxe) moito sono, sempre.

Seguir lendo →

Comarca de Guna Yala

/ Xan / Deixar un comentario

IMG_8550

Cedo, moi cedo pola mañá, collemos a estrada Panamericana cara ó norte. En Los Llanos metémonos por unha curiosa estrada de montaña que nos fai lembrar unha montaña rusa.

Xa estamos na comarca de Guna Yala, coñecida ata o ano 2010 como Kuna Yala e anteriormente como San Blas. Un territorio ocupado polo pobo indíxena Guna, que goza da maior autonomía de tódolos pobos indíxenas do continente americano. Habitan nunha estreita franxa de territorio costeiro ata a fronteira con Colombia, ademais de 36 illas no Mar Caribe entre as 365, unha por cada día do ano, que son da súa propiedade.

Chegamos ó austero porto de Cartí, pasada a antiga pista de aterraxe que durante moito tempo foi a única vía de acceso a este territorio. De aquí parten as barcazas rápidas que nos achegarán ás microillas que se estenden polo Golfo de San Blas.

Seguir lendo →

A Cidade que soñou Manhattan

/ Xan / Deixar un comentario

Hai que recoñecelo: o skyline é atractivo, dá un perfecto fondo de foto, ademais de ser moi pouco usual nas cidades centroamericanas.

Que pasa en Cidade de Panamá? Por que este denso bosque de rañaceos nunha capital como moito de segunda orde a nivel mundial? Por que os multimillonarios ingresos do Canal van dirixidos a este forzado exhibicionismo nunha cidade pouco poboada e rodeada de moito espazo para medrar?

Hai que camiñar polas súas rúas e constatar que, coma en moitos outros destinos, é unha postal turística que admite mal o zoom fotográfico. A clase dirixente ten preferido asemellarse ós estereotipos urbanos norteamericanos (mais ben de provincias) en vez de poñer en valor o seu forte carácter latino. É apostar ó cabalo gañador pero…

Seguir lendo →